Wednesday, February 16, 2011

રાહત કર લે ફત્તેહ

રાહત કર લે ફત્તેહ

"डॉलर तो क्या चीज़ है, हिसाब थोड़ा  कच्चा हैं जी,
 कसूर बस इतना है की, मेरा `दिल तो बच्चा है जी` ।"


===================================

પ્રિય મિત્રો,

આખાય વિશ્વના લાડકા સૂફી ગાયક ઉસ્તાદ સ્વ.નૂસરત ફત્તેહ અલી ખાનના ભત્રીજા અને આપણા દેશની હીન્દી ફીલ્મ ઈન્ડસ્ટ્રી જેને ખભે તેડીને ફરે છે તેવા નામાંકિત ગાયક રાહત ફત્તેહ અલી, તેમના સાગરીતો સાથે, તાજેતરમાં દીલ્હીના ઈંદિરા ગાંધી ઍરપોર્ટ પર, રોકડા એક લાખ ચોવીસ હજાર ડોલર (લગભગ ૬૦ લાખ રૂપિયા) લઈને દેશની બહાર જતાં, સેન્ટ્રલ ઍક્સાઈઝ એન્ડ કસ્ટમ ડીપાર્ટમેન્ટના અધિકારીઓના હાથે ઝડપાઈ ગયા.

આ બાબતે રંગલો ચંપક અને રંગલી ચંપા વચ્ચે રસપ્રદ સંવાદ થયો જે આપે  પણ માણવા જેવો છે. આશા છે આપને જરૂર ગમશે.

================================

રંગમંચ પર રંગલો ચંપક, `તાક્‍ થૈયા થૈયા થૈયા તા..આ..!` ના ઠેકડા મારતો પ્રવેશ કરે છે. પાછળ ઉદાસ ચહેરે 
 રંગલી ચંપા, રંગલાને અનુસરતી પ્રવેશ કરે છે.

રંગલોઃ " અરે..મારી..રંગલી..ઈ..ઈ..!! આજે તારું મોઢું ઉતરેલી કઢી જેવું કેમ થઈ ગયું છે?"

રંગલીઃ " ચંપક રંગલા..જોને આપણા ગુજરાતીઓનું હું થાવા બેઠું છે?"

રંગલોઃ " કેમ હવે વળી ગુજરાતીઓને પાછું કોણ નડ્યું?"

રંગલીઃ" કોણ નડે? આ આપણાને આપણા જ તો વળી..!! સ્વિસ બેંકનાં એકાઉન્ટધારકનાં નામ, જાણી જોઈને એકલા ગુજરાતી લોકોનાં જ સરકારે જાહેર કર્યાં, કેમ બીજા ભ્રષ્ટાચારી  ખાઉધરાઓનાં ખાતાં જ  નહીં હોય?"

રંગલોઃ" અરે રંગલી.. તુંય તે..!! આ તો `કાજી દૂબલે ક્યું તો` કે સારે ગાઁવ કી ફીકર?` આપણે તો ખમણ-ઢોકળાં ખાનારા, ચતુર માનવીઓ, આપણી પૂંઠે બાવળીયો પણ ઉગેને તો કહીએ કે સારૂં થયું છાંયડો થયો. તું ખોટી ચિંતા ના કર."

રંગલીઃ " પણ એ..લા, રંગલા હાવ હાચું કે`જે, આ અન્યાય ન કહેવાય? આ પાકિસ્તાનનો પેલો સૂફી કે એવુંજ કૈંક ગાનારો પેલો રાહતભૈ ઍરપોર્ટ પર અ..ધ..ધ..ધ ડૉલર રોકડા લઈ જતો પકડાયો કે તરતજ પાકિસ્તાની સરકાર અને ઍમ્બસી તેને બચાવવા દોડાદોડ કરવા લાગી અને આપણી સરકાર હાથે કરીને આપણા ગુજરાતીઓની વાઁહે પડી ગઈ છે? "

રંગલોઃ " રંગલી, વાત તો તારી હમજવા જેવી છે, પણ તને ખબર છે? આપણા ગુજરાતીને ત્યાં ઈન્કટેક્સના દરોડા પડે ને, કે તરતજ  તેના દીકરા કે દીકરીનાં માગાં માટે ઘરની બહાર લાઈન લાગી જાય, પૈસાદાર વેવાઈ કોને ન ગમે?"

રંગલીઃ " રંગલા, તારું આ જ દુઃખ છે વાત ને ક્યાંની ક્યાંય લઈ જાય છે? હું રાહત અલીની વાત કરું છું ને તું..?"

રંગલોઃ" અરે, હુંય એ જ વાત કરું છું..!! આ પાકિસ્તાનમાં, આતંકવાદ ફીક્સ, મેચ ફીક્સ, ગાનારા ફીક્સ, ગાનારી ફીક્સ, બીગબોસમાં આવેલી પેલી વીણા મલીક ફીક્સ, બધુંજ ફીક્સ. જ્યારે આપણા દેશમાં ભ્રષ્ટાચાર (No Fix) ઉઘાડેછોગ, કાયદાની ઐસી કી તૈસી.. ઉઘાડેછોગ, નહાવા-ધોવા-ખાવા-પીવા-ગાવા-હરવા-ફરવા અને હવાલા બધુંજ ખુલ્લેઆમ-ઉઘાડેછોગ એટલે બિચારા રાહતભૈને મનમાં એમ રાહત હતી કે આવા ઉદાર (ઉધાર?) ભારત દેશમાં આપણનેય કોણ પૂછનાર છે, હં..મ્બે, ઉપાડો આપણો સામાન અને અંદર ઠાંસી-ઠાંસીને ભરો ડૉલર રોકડા..!!દર વખતે લઈ જ જઈએ છેને..!!"

રંગલીઃ " હા હોં, આવા ડૉલર દર વખતે લઈ જ જતા હશેને? પણ બિચારા રાહત ભૈને કાયદાની ખબર નહીંને..!! તેમનું દિલ તો સાવ નાના બચ્ચા જેવું છે એટલેજ તો એમનું એ ગીત હીટ ગયુ`તું ને..!! પણ તેમના મેનેજરને પણ કાયદો નહીં ખબર હોય? "

રંગલોઃ" રંગલી, તું સાવ ભોળી જ રહી..!! મેનેજરને બિચારાને મનમાં એમ કે વિશ્વવિખ્યાત ગાયક રાહત ભૈ સાથે હોય પછી, તેમનો સાવ નાના બચ્ચા જેવો ભોળો, માસૂમ, મીઠું મધ મલકાતો ગોળમટોળ ચહેરો જોઈનેજ તેમને ઍરપોર્ટના ભારતીય અધિકારીઓ, લગેજ ક્લિઅર કરી આપશે..!! બહુ -બહુ તો `દિલ તો બચ્ચા હૈજી`ની એકાદ કડી ગણગણવાનું કહેશે બસ..!!"

રંગલીઃ " રંગલા હવે શું થશે? રાહત ને રાહત મળશે? રાહતની ફત્તેહ થશે?"

રંગલોઃ" રંગલી, તું જોતો ખરી. આપણે કાયમ પાકિસ્તાનથી દબાઈને-ડરીને-ગભરાઈને જીવ્યા છે ને હજીય જીવીશું. તું ચિંતા ના કર, રાહતભાઈનો વાળ પણ વાંકો નહીં થાય."

રંગલીઃ" રંગલા, પણ કોથળામાંથી બલાડું નીકળે તેમ, આ રાહતભૈની ધરપકડ કરી છેને તપાસમાં, આમીરખાનની પેલી`સરફરોશ` ફીલ્મમાં બને છે તેમ, ગાયક નસીરૂદ્દીનશાહના પાત્રની માફક આ નાણાં, કોઈ કસાબ જેવા આતંકવાદીને મદદ માટેની ગતિવિધિનાં નીકળશે તો..?"

રંગલોઃ" તો, આતંકવાદી કસાબની માફક રાહતભૈની પણ ફાઈવ સ્ટાર સરભરા કરવા પાકિસ્તાનની ભલામણની જરૂર નહીં પડે..!! ચિકન-બિરીયાની-કબાબનાં ભાવતાં ભોજન હાજર કરી દઈશું..!! આમેય આપણે માનીએ છેકે `અતિથી દેવો ભવઃ।"

રંગલીઃ "આપણે જો `અતિથી દેવો ભવઃ।`માં માનતા હોય તો પછી રાહતભૈને પકડ્યા જ શું કામ?"

રંગલોઃ " રામ હી રાખે..!! રં..ગ..લી..ઈ..ઈ..!! તુંય તે કેટલીકવાર એવા સવાલ પૂછે છેને કે જવાબ દેવો અઘરો પડી જાય..?"

રંગલો-રંગલીઃ (એક અવાજે)," હે વાચક મિત્રો આપની પાસે આ સવાલનો જવાબ છે? રાહતઅલીને પકડ્યા જ શું કામ?"

માર્કંડ દવેઃ તા-‎16-‎02-‎2011 

4 comments:

  1. Lol ....Lol .....Lol ! Super - Sixers ! Too Cool. Bahoot Khoob.

    Mazaa aavi Gayi !

    Markand Bhai, your slant vision ( Haasya Vaani ) is terrific ! Almost died laffing ! - Rahat Bhai no " Go Green Theorem " ( Love with green stuff ) saalu kehvu pade !!

    Nusarat Fateh ali khaan jo jeevata hot,.. to chokkas kahet :: " Kaisa Yeh Pyar Hai Allah Allah ! " ;)

    [ Perhaps, Rahat Bhai might had thought,... "India is a Rama's country,...... hence,.. "Raam-Naam Ki Loot hai,.... Loot Shake Woh Loot !" ]



    Pakistani TV and forum members, haju ye,..... Rahat fateh ali khan nu j halbalaaye raakhe chhe ! Lol !

    http://www.youtube.com/watch?v=OBuXN5wFCE4

    http://www.bwtorrents.com/threads/316147-Rahat-Fateh-Ali-Khan-Has-Been-Arrested-at-Delhi-Airport



    Dave Bhai,... Thodo k samay male to,....

    haal maan chaali aavato modern trend ( mania ) - " Sheila ane Munni " ne pun thodo k nyaay achuk aapaso !!.........

    Rangala and Rangali ni bhawaayi baad,.....

    ekaad - Shaana Bhai - Shakara Bhaai ni Gup-Sup ( Munni Badnaam huyi / Sheila ki Jawaani ) pan thava dejo :)

    aabhaar.

    ReplyDelete
  2. શ્રી માર્કંડકાકા,

    રાહત અલી ની રાહત કાઢી નાખવામાં તમે કહું બાકી રાખ્યું નથી, પરંતુ આપણે તો ભાઈ ગમાર રહ્યા ને !? બધું તરત જ ભૂલી જવાના ! આપણું મીડિયા પણ ભૂલી જશે ! પેલા અદનાને (સામી))આજે પણ એ જ માં મળે છે, જ્યારે એક વક્ત તેની પણ પાછળ સરકાર પડેલ ને ?

    વ્યંગ સાથે હકીકત દર્શાવતો આપનો લેખ પસંદ આવ્યો.

    ReplyDelete
  3. આ રાહતભાઈ પેલા સરફરોશ પિક્ચર ના ગુલફામ હસન ની યાદ અપાવે છે.

    ReplyDelete

વરિષ્ઠ કલાકારોના સન્માન સમારંભની કેટલીક યાદગાર ક્ષણો.