ખીજાશે આ અક્ષર, (ગીત)

 ખીજાશે આ અક્ષર, (ગીત)

ખીજાશે આ અક્ષર, મન નથી માનતું, 

ચાહું   છું  તને  હું, કવન નથી જાણતું,

અંતરા-૧.

વીણીને  હું જુગનૂ, સજાવું આ જુલફો,

(.....પણ,) 

મૃદુ જીવ છળવાને,મન નથી માનતું.

ચાહું   છું  તને  હું, કવન નથી જાણતું.

અંતરા-૨.

ચૂંટાવી   કુસુમ  હું,  ગજરો  ગૂંથાવું,

(.....પણ,) 

ફૂલને દુભવવાને, મન નથી માનતું.

ચાહું  છું  તને હું, કવન નથી જાણતું.

અંતરા-૩.

વિનવું  વાદળ-ને, પ્રેમે તને  ભીંજવે,

(.....પણ,) 

નભ-ને ઝુકાવવાને,મન નથી માનતું.

ચાહું   છું  તને હું,  કવન નથી જાણતું.

અંતરા-૪.

હમસફર  જોડશે, તોડશે આ ઈશ્વર,

(.....પણ,) 

એને કરગરવાને, મન નથી માનતું.

ચાહું  છું તને હું, કવન નથી જાણતું,

ખીજાશે આ અક્ષર, મન નથી માનતું,

ચાહું  છું  તને  હું, કવન નથી જાણતું,

માર્કંડ દવે. તા.૩૧-૧૦-૨૦૧૧.