એક તોલો બેવફાઈ.(ગીત)
ફકત એક તોલો, બહેકી`તી બેવફાઈ..!!
તેં કેટલી ગુમાવી, આ રૂપની ગરવાઈ..!!
અંતરા-૧.
તારા સંમુખ ઊભો`તો, દર્પણ થઈ તેથી,
જો કેટલી ઝંખવાઈ,આ શર્મીલી પરછાઇ..!!
ફકત એક તોલો, બહેકી`તી બેવફાઈ..!!
અંતરા-૨.
વાત વિશ્વાસની, ઘાત નથી નિશ્વાસની,
છતાં કેટલી અકળાઈ, ઈશ્કની અંગડાઈ..!!
ફકત એક તોલો, બહેકી`તી બેવફાઈ..!!
અંતરા-૩.
શિર આશ કકળતી, સંગ આ રાત રઝળતી,
કહે કેટલી તરડાઈ, કરમની કઠણાઈ..!!
ફકત એક તોલો, બહેકી`તી બેવફાઈ..!!
અંતરા-૪.
રસમી, કસમીને ભેદી છે,આલમ તિલસ્મી,
જો કેટલી ખુદાઈ, આ ઈશ્કની જુદાઈ..!!
ફકત એક તોલો, બહેકી`તી બેવફાઈ..!!
તેં કેટલી ગુમાવી, આ રૂપની ગરવાઈ..!!
ફકત એક તોલો, બહેકી`તી બેવફાઈ..!!
માર્કંડ દવે.તા.૨૯-૧૨-૨૦૧૧.
No comments:
Post a Comment