Tuesday, October 11, 2011

તન તંબૂરે તાર. (ભક્તિ ગીત.)




 તન તંબૂરે તાર. (ભક્તિ ગીત.)


હું શું  કહું  સમયને, સમૂચો લૂટી ગયો,

ભંગુર દેહ કેરો આ, ઝરૂખો ઝુકી ગયો,

અંતરા-૧

બેસુર જીવન સાજ ને,મુસીબત ભરી સફર,

તન  તંબૂર  એક તાર,  વિખૂટો  છૂટી ગયો. 

હું   શું   કહું  સમયને,  સમૂચો   લૂટી ગયો,

અંતરા-૨.

વીતી ગઈ આ  જિંદગી,મધ એકઠું કરી,

ઉઠતાં જ ધૂમ્ર સેર, મધ-પુડો ઝુરી ગયો.

હું  શું  કહું  સમયને, સમૂચો લૂટી ગયો,

અંતરા-૩.

ધાર્યું  હતું દ્વારે,મધ્યમ વહેશે અનિલ..!!  

વહ્યો  કરાલ  કાલ  થૈ, નકૂચો તૂટી ગયો. 

હું   શું   કહું  સમયને,  સમૂચો લૂટી ગયો,


હું  શું   કહું  સમયને,  સમૂચો લૂટી ગયો,

ભંગુર  દેહ  કેરો  આ,  ઝરૂખો  ઝુકી ગયો.

માર્કંડ દવે.તા.૧૧-૧૦-૨૦૧૧.

No comments:

Post a Comment

વરિષ્ઠ કલાકારોના સન્માન સમારંભની કેટલીક યાદગાર ક્ષણો.