લબાડ સવાલ - આળવીતરા જવાબ.ભાગ- 4.

લબાડ સવાલ - આળવીતરા જવાબ.ભાગ- 4.

લબાડ સવાલ -" રજા આપો તો, પ્રેમનો મંત્ર થઈ કાનમાં ફૂંકાઈ જાવું છે."

આડવીતરો જવાબ- " મને શું વાંધો હોય? પણ કાનમાં, અંદર જાય તો, જરા કાનનો મેલ સાફ કરતો આવજે, ભઈલા..!!"

==========

પ્રિય મિત્રો,

આખુંય જગત પોતાને ડાહ્યા અને બીજાને મૂરખ માને છે, ચાલો, આવાજ મૂર્ખામીભર્યા, લબાડ સવાલ અને આડવીતરા જવાબ માણીએ.

`આ.જ.` ને સમજવા દરેક જવાબ, બેવાર વાંચવો પડે તો, આવા `આ.જ`. આપવા બદલ મને મૂરખ ન સમજવા વિનંતી છે.

લ.સ.-" ક્યારેક મારી વાત સાચી પણ હોય છે. છતાં બધા મને મૂરખ માને છે,  એમ કેમ?"

આ.જ." મૂરખની વાત, ત્યારેજ સાચી પડે,જ્યારે ડાહ્યા (દોઢ?) મૂર્ખાઈ કરે..!!" (રહેવાદો, નહીં સમજાય..!!)

લ.સ.- " મારા મિત્રો મને મગજ ન હોવાના ટોણા મારે છે. મગજ વગરનો માણસ હોય?"

આ.જ.- " જ્યાં સુધી તમારા મિત્રોને મગજ છે, તેવો પુરાવો ના મળે ત્યાં સુધી, તેમનો અભિપ્રાય બદલવાનો હક્ક તમને નથી."

લ.સ.-"મારી પત્ની, એક નંબરના મૂરખ સાથે લગ્ન કરવા બદલ, હવે વીસ વર્ષે, અફસોસ વ્યક્ત કરે છે.શું હું મૂરખ છું?"

આ.જ." એમ જ લાગે છે..!! વીસ વર્ષ સુધી સહન કરવાની, મૂર્ખાઈ કરનાર સાથે કેમ કરીને રહેવાય..!!"

લ.સ.-" મારી પત્ની મારા પર શક કરીને, દર દસ મિનિટે, `હું ક્યાં છું, શું કરું છું?`, તે મોબાઈલ કરીને પૂછ્યા કરે છે."

આ.જ.-" હવેથી મોબાઈલનું-બીલ સસરાને ભરવાની ફરજ પાડો."

લ.સ.-" મારા ડેડીને, પાંચસોવાર કહેવા છતાં, મને મોબાઈલ નથી લાવી દેતા. શું કરું?"

આ.જ.-"તમારી ગર્લફ્રેંન્ડને, ડેડીનો મોબાઈલ નંબર આપી, તમારી મમ્મીને શક પડે તેવા `SMS` મોકલવાનું, ગર્લફ્રેંન્ડને કહો."

લ.સ.-" ઑફિસમાં કામનો, આટલો ઢસરડો કરવા છતાં,બધાની હાજરીમાં, બૉસ મને ગધેડો કહે છે. શું કરું?"

આ.જ.-" બસ, `YES BOSS` (!!!) , કહીને પોતાને કામે રાખવા બદલ, જાહેરમાં વારંવાર બૉસનો આભાર માનો."

લ.સ.-" મોટાભાગની સ્ત્રીઓના, સફળ લગ્નજીવનનું રહસ્ય શું છે?"

આ.જ." તેઓની અને તેમના પતિની લગ્નગાંઠ, બંને એકજ હોય છે..!! "

લ.સ.-" જગતની સ્ત્રીઓના સ્વભાવ વિષે, કોઈએ મહાગ્રંથ લખવો હોયતો?"

આ.જ.-" રહેવા દો, કાગળ બનાવવા, આખા જગતનાં વૃક્ષોનું નિકંદન નીકળી જશે."

લ.સ.-" સંસારમાં,એકલા મૂરખાઓનું ગામ કોઈક જગ્યાએ અસ્તિત્વમાં હશે ખરું?"

આ.જ.-" કેમ, તમારે ત્યાં રહેવા જવું છે?  મારે નથી આવવું ભૈ`શાબ..!!"

લ.સ.-" મારે એકસાથે ચાર ગર્લફ્રંન્ડ છે, કોઈ દિવસ, કોઈ અનહોની તો નહીં થાયને?"

આ.જ.-" એજ દાવનો છે,  સ્વાર્થી..!! આને અનહોની ના કહેવાય ? બીજાનો વિચાર નહીં કરવાનો? કાંઇ  થાય તો ભોગ તારા..!!  "

લ.સ.-" મારી પત્ની, મને લગ્ન પછી સાવ બદલાઈ ગયો છું, તેમ કહે છે, પરંતુ અરીસામાં જોઉં તો એવું કાંઇ લાગતું નથી..!!"

આ.જ.-" મૂરખા, તે તો જણાવકે, તારી જાતને અરીસામાં, તું ઑફીસ જતી વખતે જુએ છેકે, બાથરુમમાં નહાતી વખતે?  "

લ.સ.-" મારી વહાલીને, ટપાલમાં હું ચૂંબન મોકલવા ઈચ્છું છું, ટપાલ ખાતું આવી પોસ્ટ સ્વીકારે છે?"

આ.જ." કેમ નહીં..!! હું ટપાલી જ છું, ક્યો વિસ્તાર છે? તે વિસ્તારમાં બદલી કરાવું ,પછી મોકલજો."

ટપલીદાવઃ- તમેય તે શું `બિરાદર`(..!!), આ મૂરખની વાતોથી કંટાળો નથી આવતો ? ખરા છો બૉસ..!!

મારા તરફથી ?  "NO COMMENTS."

તમારા તરફથી ?

માર્કંડ દવે.તા.૦૨-૦૩-૨૦૧૦.